Aударма теориясы мен практикасы кафедрасындағы кездесу: магистранттарға "8D02307-Аударматану" мамандығы бойынша докторантурада оқудың мүмкіндіктері таныстырылды

Аударма теориясы мен практикасы кафедрасында докторантурада оқудың перспективаларына арналған кездесу өтті. Оқытушылар «Аударматану» мамандығы бойынша қабылдау талаптары, білім беру бағдарламасының құрылымы және ғылыми зерттеу бағыттары туралы ақпарат берді. 

Әңгіме барысында диссертация дайындау, халықаралық жобалар мен конференцияларға қатысу, сондай-ақ академиялық мобильдік мәселелері талқыланды. Болашақ докторанттардың мансаптық мүмкіндіктері мен аударматану ғылымын дамытудағы рөліне ерекше назар аударылды. 

Магистранттар оқу жүктемесін ғылыми зерттеулермен қалай үйлестіруге болатыны, жас ғалымдарға қандай перспективалар ашылатыны және докторантураның кәсіби өсімге қалай ықпал ететіні туралы сұрақтар қойды. 

Кафедра осындай кездесулерді тұрақты түрде өткізіп, ғылыми зерттеулер мен аударматанумен кәсіби тұрғыда айналысуды жоспарлаған студенттерге қолдау көрсетуді мақсат етеді.