Қалалық лингвистикалық турнир
2024 жылы 19 сәуір күні Қазақстан халқының бірлігі күнін мерекелеу қарсаңында ФФ практикалық қазақ тілі кафедрасының оқытушылары ф.ғ.к. Қ.Е.Тілеш, ф.ғ.к. С.Е.Кәрібаева, М.Н.Жұмаділова, К.Қ.Жүнісованың ұйымдастыруымен Астана қаласындағы жоғары оқу орындарының орыс топтарында оқитын студенттері арасында «ШАҢЫРАҚ» тілдік үстел ойынынан ҚАЛАЛЫҚ ЛИНГВИСТИКАЛЫҚ ТУРНИР өткізіледі. Лингвотурнир ЕҰУ Бас ғимараты Коворкинг орталығында сағат 16.00-18.30 аралығында жүреді.
Турнирге А.Қ.Құсайынов атындағы Еуразия гуманитарлық институты, Астана халықаралық университеті, Astana IT University, M.S.Narikbaev University (KAZGUU) білім алушылары және пратикалық қазақ тілі кафедрасы жанынан құрылған «Асыл мұра» мәдени-танымдық ұйымның мүшелері қатысады. Тіл сайысы барысында білім алушылардың қазақ тілінде шапшаң ойлау, сауатты, жылдам жауап бере алу, танымдық қабілеттері мен тіл байлықтары сыналады.